Marrëveshje bashkëpunimi me IP PK „Pelister“. Drejtoresha e Agjencisë për Mbështetje Financiare në Bujqësi dhe Zhvillim Rural, Daniela Irotova Lazareva, së bashku me drejtorin e IP PK „Pelister“, Ivanço Toshevski, nënshkruan marrëveshjen, me të cilën rregullohen të drejtat dhe detyrimet e ndërsjella lidhur me sigurimin dhe shfrytëzimin e mjeteve financiare për realizimin e aktiviteteve dhe investimeve me rëndësi për mbrojtjen, menaxhimin, avancimin dhe zhvillimin e qëndrueshëm të Parkut Kombëtar „Pelister“.

Në përputhje me rregulloret në fuqi, Programin për Mbrojtjen e Natyrës, Planin për Menaxhimin e PK „Pelister“, programet vjetore të IP PK „Pelister“ dhe mjetet në dispozicion në Buxhetin e Republikës së Maqedonisë së Veriut. Siç u theksua, mjetet financiare do të përdoren ekskluzivisht për:

• mbrojtjen dhe avancimin e vlerave natyrore dhe biodiversitetit;
• monitorimin e llojeve dhe habitateve;
• parandalimin dhe mbrojtjen nga zjarret pyjore;
• mirëmbajtjen dhe avancimin e infrastrukturës së gjelbër;
• rregullimin dhe mirëmbajtjen e shtigjeve dhe objekteve infrastrukturore të aksesueshme;
• edukimin ekologjik dhe ngritjen e ndërgjegjësimit të publikut;
• zhvillimin dhe avancimin e ekoturizmit; • furnizimin me pajisje të nevojshme për ushtrimin e veprimtarisë;
• sanimin dhe rikonstruksionin e objekteve të parashikuara me planet dhe programet e IP PK „Pelister“;
• aktivitete të tjera me rëndësi për mbrojtjen dhe menaxhimin e qëndrueshëm të Parkut Kombëtar.