Janë shpërndarë kontratat e para për masën “Bujk i ri”.

Dimkovski: Ministria dhe Agjencia do të vazhdojnë të krijojnë masa që do t'i inkurajojnë të rinjtë këtu, në shtëpi, të ndërtojnë të ardhmen e tyre.

Baçovski: Investimi në bujqit real dhe të rinj është qasje strategjike e Qeverisë


Zëvendësministri i Bujqësisë, Pylltarisë dhe Ekonomisë së Ujërave Trajan Dimkovski së bashku me drejtorin dhe zëvendësdrejtorin e Agjencisë për përkrahje financiare të bujqësisë dhe zhvillimit rural Nikica Baçovski dhe Remzi Abdullahi, sot në ambientet e MBPEU-së, në mënyrë solemne kanë shpërndarë kontratat e para bujqve të rinj, fitues me grant deri në 10 000 euro.

Mbështetja financiare u dedikohet bujqve të rinj deri në moshën 40 vjeç, të cilët kanë dëshirën dhe idenë e biznesit për të nisur një aktivitet bujqësor. Mbështetja në formën e grantit të pakthyeshëm deri në 10,000 euro për përfitues jepet nga Programi për mbështetjen financiare të zhvillimit rural, masa 112 “Ndihma për fermerët e rinj për fillimin e veprimtarisë bujqësore”.
“Të rinjtë e njohin mundësinë që ofron shteti, prodhimi bujqësor të jetë burimi kryesor i jetesës së tyre. Thirrja e fundit për masën 112 “Përkrahje bujqve të rinj për fillimin e aktivitetit bujqësor” ka marrë 111 aplikime. Prej tyre, 50 aplikantë plotësuan kushtet dhe do të nënshkruhen marrëveshje për përfitimin e mbështetjes financiare në formën e grantit të pakthyeshëm, me vlerë deri në 10,000 euro për përfitues. “Këto mjete sigurohen nga Programi për mbështetjen financiare të zhvillimit rural dhe përfaqësojnë mbështetjen fillestare nga shteti që fermerët e rinj të mund të fillojnë më lehtë biznesin e tyre, të krijojnë marka të reja në treg, të investojnë në aktivitete të reja përmes të cilat do t'i realizojnë idetë e tyre” theksoi zëvendësministri Dimkovski. Ai shtoi se të gjitha grantet e miratuara bazohen në plane të mira biznesi që kanë një komponent zhvillimor, synojnë tregun vendor, përdorin burimet e tyre dhe kanë një komponent për prodhim modern, aplikim të praktikave të mira bujqësore dhe kujdes për mjedisin.
Dimkovski përgëzoi të gjithë përfituesit e granteve dhe u dërgoi mesazh bujqve të rinj që të vazhdojnë t'i besojnë vendit dhe institucioneve të tyre, duke theksuar se Ministria dhe Agjencia do të vazhdojnë të krijojnë masa që do t'i inkurajojnë të rinjtë këtu, në vendlindje, për të ndërtuar të ardhmen e tyre. Ai u tha atyre që të investojnë paratë me guxim dhe të motivuar me shpresën se do të jenë në gjendje të shumëfishojnë vlerën e grantit.

Kënaqësi që në thirrjen e fundit për masën “Bujk i ri”, ka pasur interesim të barabartë mes femrave dhe meshkujve nën moshën 40 vjeçare. Nga 50 aplikime, 22 janë miratuar për gratë bartëse të njësisë bujqësore dhe 28 janë burra. Bëhet fjalë për të rinjtë që regjistrohen si bujk individual të regjistruar në përputhje me Ligjin për Veprimtarinë Bujqësore dhe Ligjin për Sigurimin Pensional dhe Invalidor, që do të thotë se aktiviteti bujqësor është burimi kryesor i të ardhurave të tyre.
Gjithashtu, kërkesat për grant janë nga të gjitha degët e bujqësisë: qumësht, blegtori, bletari, frutikulturë, verë, prodhim i foragjereve dhe furnizim i makinerive bujqësore.

“Këta 50 aplikant të ri do të realizojnë investime në të gjitha rajonet e Republikës së Maqedonisë së Veriut, që do të thotë se do të hapen biznese të reja dhe vende të reja pune në shumë pjesë të vendit. Investimi në bujq real dhe të rinj është një qasje strategjike e Qeverisë dhe institucioneve kompetente, për të zhvilluar dhe modernizuar sektorin e bujqësisë. Vetëm duke investuar tek të rinjtë deri në 40 vjeç mund të ndikojmë në daljen e të rinjve dhe migrimin fshat-qytet – theksoi Baçovski.

Interesimi i të rinjve për të filluar biznesin e tyre në sektorin e bujqësisë po rritet çdo vit. Është gjithashtu një trend europian, i cili lidhet ngushtë me ndërgjegjësimin për rëndësinë e të jetuarit në një mjedis të shëndetshëm dhe ekologjik dhe njohjen e prodhimit bujqësor si një biznes fitimprurës.

Dhe e gjithë kjo do të thotë se kujdesi i shtetit përmes mbështetjes së destinuar për ta, jep rezultate!