Aktivitetet përfundimtare për fillimin e procesit të aplikimit të suksesshëm të projekteve për mjete nga IPARD III. Drejtoresha e Agjencisë për Mbështetje Financiare në Bujqësi dhe Zhvillim Rural, Daniela Irotova Lazareva, në takimin e sotëm me të gjithë drejtuesit, shqyrtoi ndryshimet në procedurat për zbatimin e Programit IPARD III. Gjatë javës së ardhshme, siç njoftuan drejtuesit e sektorëve, nga ana e Agjencisë do të përfundojnë të gjitha procedurat dhe do t’u dorëzohen NAO-së dhe DG AGRI-së për harmonizim dhe miratim, pas së cilës do të shpallen thirrjet e reja. Me këtë, dëshirojmë t’ju informojmë për aktivitetet aktuale që po ndërmerren nga të gjitha institucionet kompetente, me qëllim krijimin e kushteve për paraqitje të suksesshme të projekteve për mjete financiare nga Programi IPARD III.

Për më tepër, deri në fund të këtij muaji pritet të nënshkruhen edhe 10 kontratat e fundit për Masën 1 nga thirrja e shpallur më parë, me ç’rast do të përmbyllet në tërësi procesi dhe do të mund të shpallen thirrjet e reja për përfitimin e mjeteve nga Programi IPARD III.