Agjencia për Mbështetje Financiare në Bujqësi dhe Zhvillim Rural sot ka bërë pagesën për masën për ekonomitë e vogla bujqësore të përcaktuara sipas pagesave historike për tre vitet e mëparshme.

 

 

Shuma e pagesave direkte përcaktohet si një mesatare e shumës së burimeve financiare të miratuara për pagesat direkte në kuadër të programeve të mbështetjes financiare në bujqësi për vitet 2020, 2021 dhe 2022, përkatësisht:

 

- Për mesataren e aprovuar nga 0 deri në 10.000 denarë paguhen 10.000 denarë.

- Për mesataren e aprovuar prej 10.000 deri në 20.000 denarë paguhen 20.000 denarë.

- Për mesataren e aprovuar prej 20.000 deri në 30.000 denarë paguhen 30.000 denarë.

- Për mesataren e aprovuar prej 30.000 denarë deri në 40.000 denarë paguhen 40.000 denarë.

 

Mbështetja e përgjithshme financiare e paguar për këtë kategori të fermerëve është 63,5 milionë denarë për 3187 ferma të miratuara.