Sot, drejtori i Agjencisë për Mbështetje Financiare në Bujqësi dhe Zhvillim Rural, Ilija Stojilev, së bashku me Zëvendësministren për Çështje Evropiane, Viktorija Trajkov, vizituan komunën e Prilepit.

Në fokus të takimit me kryetarin e komunës, Borçe Jovçeski, ishte mundësia për shfrytëzim më të madh të fondeve evropiane për realizimin e projekteve të planifikuara nëpër komuna.

Gjatë vizitës në komunën e Prilepit, u vizitua edhe kompania "DTUOP BIMFOOD DOO" eksport-import Prilep, e cila disa herë ka qenë përfituese e fondeve nga Programi IPARD.

Vetëm në thirrjen publike të fundit për masën:
“Investime në mjete materiale për përpunimin dhe marketingun e produkteve bujqësore dhe peshkore – Sektori prioritar: fruta dhe perime”, kompania është mbështetur me fonde në vlerë prej 12 milionë denarë, për blerjen e pajisjeve që kanë ndihmuar në modernizimin e procesit të punës.