Agjencia për Mbështetje Financiare në Bujqësi dhe Zhvillim Rural, sot ka paguar 21.446.792 denarë për 1.021 bletarë.

Fondet janë paguar sipas nën-masës 2.17, e cila parashikon pagesa direkte për familjet e regjistruara të bletëve të dimëruara për fermat bujqësore që kanë mbi 50 familje bletësh të dimëruara dhe përmbushin njërin nga kushtet e mëposhtme:

• Të jenë të regjistruar ose të evidentuar nga Agjencia për Ushqim dhe Veterinarinë (AUV) si prodhues kryesorë të produkteve me origjinë shtazore.
• Të jenë të miratuar nga AUV si operatorë ushqimi.
• Të kenë dorëzuar mjaltë në një objekt të miratuar nga AUV.

Përdorues të kësaj nën-mase janë fermat bujqësore që posedojnë të paktën 10 familje bletësh të regjistruara dhe të dimëruara.

Fermat bujqësore që kanë mbi 50 familje bletësh të regjistruara në Regjistrin e Bletarive marrin një pagesë shtesë prej 200 denarësh për çdo familje bletësh të dimëruara, nëse plotësojnë njërin nga kushtet e mësipërme:

1. Të jenë të regjistruar ose të evidentuar nga Agjencia për Ushqim dhe Veterinarinë si prodhues kryesorë të produkteve me origjinë shtazore, ose
2. Të jenë të miratuar nga Agjencia për Ushqim dhe Veterinarinë si operatorë ushqimi, ose
3. Të kenë dorëzuar mjaltë në një objekt të miratuar nga Agjencia për Ushqim dhe Veterinarinë.

Mbajtja e numrit të familjeve të bletëve të dimëruara të raportuara është e nevojshme deri më 30 nëntor 2024.