Drejtoresha Daniela Irotova Lazareva sot nënshkroi marrëveshjen e parë kolektive individuale për avancimin e të drejtave të punonjësve në Agjencinë për Mbështetje Financiare në Bujqësi dhe Zhvillim Rural.

Së bashku me përfaqësuesit e sindikatave përfaqësuese, BSPAGJSHQ dhe BSASH, u hodhën firmat mbi marrëveshjen, e cila parashikon rritje të pagave që do të realizohet në mënyrë graduale gjatë 3 viteve të ardhshme, me një rritje prej 7% deri në vitin 2028.

Drejtoresha theksoi se kjo marrëveshje e parë e nënshkruar është vetëm një drejtim në të cilin do të vazhdojë mbështetja për të punësuarit, duke paralajmëruar se në të ardhmen do të intensifikohet bashkëpunimi me lëvizjen sindikale, me qëllim përmirësimin e mëtejshëm të të drejtave të punonjësve në Agjenci.

Ajo shtoi se përmirësimi i të drejtave të punonjësve do të çojë edhe në një profesionalizëm më të madh të administratës, gjë që është detyrim i shtetit edhe në kuadër të agjendës reformuese për afrimin drejt Bashkimit Evropian.

Ndërkaq, përfaqësuesit e sindikatave theksuan rëndësinë e kësaj marrëveshjeje, e cila parashikon edhe rregullimin shtesë të të drejtave të punonjësve për shpërblimet jubilare, si dhe ngritjen në një nivel më të lartë të mbrojtjes së tyre ndaj ngacmimit në vendin e punës, si dhe sigurinë dhe mbrojtjen e shëndetit gjatë kryerjes së detyrave të punës.