Agjencia për mbështetje financiare në bujqësi dhe zhvillim rural sot ka bërë pagesën për 3.420 persona në shumë prej 139.965.962,00 denarë për masën 1.3 Mbështetje financiare  për realizimin dhe shitjen e prodhimit  të grurit nga Programi për ndryshimin dhe plotësimin e Programit për zbatimin e fondit të ndërhyrjes për bujqësinë për vitin 2024.

Përfituese janë njësitë bujqësore të cilat paraprakisht kanë paraqitur kërkesë për pagesa direkte për sipërfaqe bujqësore më pak produktive - grurë (kërkesa për subvencione për sipërfaqet e mbjella dhe të korrura me grurë, nënmasa 1.1) dhe ia kanë shitur prodhimin e realizuar blerësit të regjistruar në periudhën prej 15 qershor deri më 5 shtator 2024.

Përfituese janë edhe fermat bujqësore që përdorin grurin e prodhuar për nevojat e kapacitetit të tyre përpunues të regjistruar në Regjistrin e Blerësve të Produkteve Bujqësore.

Shuma e mbështetjes financiare është 3 denarë për kilogram.

Pagesa është bërë për sasi që nuk i kalojnë 4000 kg për hektar të regjistruar.

Pagesa është bërë pa kërkesë të paraqitur nga njësia bujqësore. Agjencia ka siguruar të dhënat për grurin e shitur përmes Inspektoratit Shtetëror për Bujqësi.