Ги потсетуваме земјоделските стопанства кои сеуште не поднеле барање по Програмата за финансиска поддршка во земјоделството за 2024 година дека истото можат да го направат најдоцна до 1 јули.

Воедно укажуваме на одгледувачите на овци и кози кај кои не е завршен пописот на животните, веднаш да стапат во контакт со ветеринарните друштва со цел завршување на пописот најдоцна до 1 јули. Со новите податоци од пописот сточарите ќе можат да поднесат барања за реална бројна состојба на животните.

Во овој период се поднесуваат барања за:

- растително производство по обработлива земјоделска површина со поледелски и градинарски култури, за одржување на постоечки површини со овошни и лозови насади како и површина за производство на сертифициран семенски и саден материјал,

- сточарско производство за обележани грла говеда, овци и кози, за маторици, презимени пчелни семејства како и за заклани говеда во кланица,

Барањата се поднесуваат во електронскиот систем на Агенцијата од страна на земјоделското стопанство а доколку имаат потреба од помош можат да се обратат во подрачните единици на МЗШВ.

Линкот за пристапување до апликацијата е:

www.ipardpa.gov.mk  - Директни плаќања е-субвенции.

Со отварање на овој линк, во полето „Известувања/упатства“ достапни се деталните упатства за поднесување на барањето, Листата на потребни документи како и Програмата и Уредбата за директни плаќања во кои детално се претставени условите и висината на финансиската поддршка.